சர்வதேச கிரிக்கெட் கவுன்சில் (ஐ.சி.சி.,) சார்பில், 'டி-20' போட்டியில் சிறந்து விளங்கும் வீராங்கனைகளுக்கான தரவரிசை பட்டியல் வெளியானது. பேட்டர் வரிசையில் இந்திய அணி துணைக் கேப்டன் ஸ்மிருதி மந்தனா (767 புள்ளி), 3வது இடத்தில் தொடர்கிறார். முதல் இரு இடத்தில் ஆஸ்திரேலியாவின் பேத் மூனே (794), வெஸ்ட் இண்டீசின் ஹீலே (774) உள்ளனர்.

இலங்கை தொடரில் 69, 79, 79 என மூன்று அரைசதம் விளாசிய துவக்க வீராங்கனை, 21 வயது ஷைபாலி (736) 4 இடம் முன்னேறி, 6வது இடம் பிடித்தார். ஜெமிமா ஒரு இடம் பின்தங்கி, 10வது இடம் பெற்றார். கேப்டன் ஹர்மன்பிரீத் கவுர் (615) 15வது இடத்தில் நீடிக்கிறார்.

ரேணுகா அபாரம்

பவுலர்கள் வரிசையில் இந்தியாவின் தீப்தி சர்மா (738), 'நம்பர்-1' இடத்தை தக்கவைத்துள்ளார். இலங்கைக்கு எதிரான 3வது போட்டியில் 4 விக்கெட் சாய்த்த இந்திய வேகப்பந்து வீச்சாளர் ரேணுகா (705), 8 இடம் முன்னேறினார். 6வது இடத்தை தென் ஆப்ரிக்காவின் மிலபாவுடன் (705) பகிர்ந்து கொண்டுள்ளார்.

'ஆல் ரவுண்டர்' வரிசையில் தீப்தி சர்மா (387) 3வது இடத்தில் தொடர்கிறார்.