ஜிம்பாப்வே, நமீபியாவில், 19 வயதுக்குட்பட்ட அணிகளுக்கான உலக கோப்பை கிரிக்கெட் (50 ஓவர்) 16வது சீசன் நடக்கிறது.

இந்திய அணி, தனது மூன்றாவது, கடைசி லீக் போட்டியில் நியூசிலாந்தை சந்தித்தது. 'டாஸ்' வென்ற இந்தியா பீல்டிங் செய்தது.

நியூசிலாந்து துவக்கத்தில் 17/3 என திணறியது. மழை காரணமாக போட்டி நிறுத்தப்பட்டது. பின் 37 ஓவர்களாக போட்டி குறைக்கப்பட்டது. நியூசிலாந்து அணி 36.2 ஓவரில் 135 ரன்னில் ஆல் அவுட்டானது. இந்தியாவின் அம்ப்ரிஸ் 4 (தமிழகம்), ஹெனில் 3 விக்கெட் சாய்த்தனர்.

'டக்வொர்த் லீவிஸ்' விதிப்படி 37 ஓவரில் 130 ரன் என இலக்கு மாற்றப்பட்டது. இந்திய அணிக்கு வைபவ் (40), கேப்டன் ஆயுஷ் மாத்ரே (53) கைகொடுக்க, 13.3 ஓவரில் 130/3 ரன் எடுத்தது. 7 விக்கெட்டில் வென்று, இத்தொடரில் 'ஹாட்ரிக்' வெற்றியை (அமெரிக்கா, வங்கதேசம், நியூசிலாந்து) பதிவு செய்தது. விஹான் (17), வேதாந்த் (13) அவுட்டாகாமல் இருந்தனர்.