நேற்று மூன்றாவது நாள் ஆட்டம் நடந்தது. ஆதிஷ் 88 ரன் எடுத்தார். குருசாமி 49, கேப்டன் சாய் கிஷோர் 40 ரன் எடுத்தனர். சோனு யாதவ் 75 பந்தில் 74 ரன் எடுத்து உதவினார். தமிழக அணி இரண்டாவது இன்னிங்சில் 316/10 ரன் எடுத்தது.

பின் 455 ரன் எடுத்தால் வெற்றி என களமிறங்கிய ஒடிசா அணி, மூன்றாவது நாள் முடிவில் இரண்டாவது இன்னிங்சில் 47/2 ரன் எடுத்து, 408 ரன் பின்தங்கி இருந்தது.

ஷமி 'ஐந்து'

கோல்கட்டாவில் பெங்கால், சர்வீசஸ் அணிகள் மோதும் போட்டி ('சி') நடக்கிறது. முதல் இன்னிங்சில் பெங்கால் 519, சர்வீசஸ் 186 ரன் எடுத்தன. 'பாலோ ஆன்' பெற்ற சர்வீசஸ் அணி, இரண்டாவது இன்னிங்சில் 231/8 ரன் எடுத்து, 102 ரன் பின்தங்கி இருந்தது. பெங்கால் வீரர் முகமது ஷமி 5 விக்கெட் சாய்த்தார்.

ஐதராபாத்தில் நடக்கும் போட்டியில் ('டி') மும்பை அணி முதல் இன்னிங்சில் 560 ரன் எடுத்தது. ஐதராபாத் அணி 267 ரன்னில் ஆல் அவுட்டாகி, 'பாலோ ஆன்' பெற்றது. 3வது நாள் முடிவில் ஐதராபாத் அணி, இரண்டாவது இன்னிங்சில் 166/7 ரன் எடுத்து, 127 ரன் பின்தங்கி இருந்தது.