சர்வதேச கிரிக்கெட் கவுன்சில் சார்பில் பெண்களுக்கான ஒருநாள் கிரிக்கெட் தரவரிசை பட்டியல் வெளியானது. சமீபத்திய நியூசிலாந்துக்கு எதிரான மூன்றாவது ஒருநாள் போட்டியில் இந்திய அணி கேப்டன் ஹர்மன்பிரீத் கவுர், 63 பந்தில், 59 ரன் எடுத்தார். இதையடுத்து 9 இடம் முன்னேறி, 654 புள்ளியுடன் 10 வது இடத்தில் உள்ளார்.

இதேபோல, கடந்த முறை சதம் விளாசிய இந்திய துவக்க வீராங்கனை ஸ்மிருதி மந்தனா, 728 புள்ளியுடன், தொடர்ந்து 4வது இடத்தில் நீடிக்கிறார். முதல் மூன்று இடத்தில் இங்கிலாந்தின் நாட் சிவர் (760), தென் ஆப்ரிக்காவின் லாரா (756), இலங்கையின் அத்தபத்து (733) உள்ளனர்.

பவுலர்களுக்கான வரிசையில் இந்தியாவின் தீப்தி, 703 புள்ளியுடன் இரண்டாவது இடத்தில் தொடர்கிறார். முதலிடத்தில் இங்கிலாந்தின் சோபி (770) உள்ளார். இந்திய வேகப்பந்து வீச்சாளர் ரேணுகா தேவி, 4 இடம் முன்னேறி, 32வது இடம் பிடித்தார்.