நியூசிலாந்து சென்றுள்ள ஆஸ்திரேலிய அணி இரண்டு போட்டிகள் கொண்ட டெஸ்ட் தொடரில் பங்கேற்கிறது. முதல் டெஸ்டில் ஆஸ்திரேலியா வென்றது. கிறைஸ்ட்சர்ச்சில் 2வது டெஸ்ட் துவங்கியது. இது, நியூசிலாந்தின் வில்லியம்சன், சவுத்தீ பங்கேற்கும் 100வது டெஸ்ட் ஆனது. 'டாஸ்' வென்ற ஆஸ்திரேலிய அணி 'பீல்டிங்' தேர்வு செய்தது.

ஹேசல்வுட் அசத்தல்

நியூசிலாந்து அணிக்கு வில் யங் (14) ஏமாற்றினார். டாம் லதாம் (38) ஓரளவு கைகொடுத்தார். ஹேசல்வுட் 'வேகத்தில்' ரச்சின் ரவிந்திரா (4), டேரில் மிட்சல் (4), கேன் வில்லியம்சன் (17) வெளியேறினர். ஸ்டார்க் பந்தில் பிலிப்ஸ் (2), ஸ்காட் (0) அவுட்டாகினர். டாம் பிளன்டெல் (22), மாட் ஹென்றி (29), கேப்டன் டிம் சவுத்தீ (26) ஆறுதல் தந்தனர்.

நியூசிலாந்து அணி முதல் இன்னிங்சில் 162 ரன்னுக்கு 'ஆல்-அவுட்' ஆனது. ஆஸ்திரேலியா சார்பில் ஹேசல்வுட் 5, ஸ்டார்க் 3 விக்கெட் சாய்த்தனர்.

ஹென்றி நம்பிக்கை

பின் முதல் இன்னிங்சை துவக்கிய ஆஸ்திரேலிய அணிக்கு ஸ்டீவ் ஸ்மித் (11), உஸ்மான் கவாஜா (16) ஜோடி சுமாரான துவக்கம் தந்தது. மாட் ஹென்றி 'வேகத்தில்' கிரீன் (25), டிராவிஸ் ஹெட் (21) அவுட்டாகினர்.

ஆட்டநேர முடிவில் ஆஸ்திரேலிய அணி முதல் இன்னிங்சில் 4 விக்கெட்டுக்கு 124 ரன் எடுத்திருந்தது. லபுசேன் (45), லியான் (1) அவுட்டாகாமல் இருந்தனர். நியூசிலாந்து சார்பில் ஹென்றி 3 விக்கெட் கைப்பற்றினார்.