ஆஸ்திரேலியாவில், 'பிக் பாஷ் லீக்' ('டி-20') 14வது சீசன் நடந்தது. ஹோபர்ட் நகரில் நடந்த பைனலில் சிட்னி தண்டர், ஹோபர்ட் ஹரிகேன்ஸ் அணிகள் மோதின. 'டாஸ்' வென்ற ஹோபர்ட் அணி 'பீல்டிங்' தேர்வு செய்தது.

சிட்னி அணிக்கு ஜேசன் சங்கா (67), கேப்டன் டேவிட் வார்னர் (48) நல்ல துவக்கம் கொடுத்தனர். சாம் பில்லிங்ஸ் (20), ஆலிவர் டேவிஸ் (26) ஓரளவு கைகொடுத்தனர். சிட்னி அணி 20 ஓவரில் 7 விக்கெட்டுக்கு 182 ரன் எடுத்தது. ஹோபர்ட் அணி சார்பில் ரிலே மெரிடித், நாதன் எல்லிஸ் தலா 3 விக்கெட் சாய்த்தனர்.

சவாலான இலக்கை விரட்டிய ஹோபர்ட் அணிக்கு மிட்செல் ஓவன் (108 ரன், 42 பந்து, 11 சிக்சர், 6 பவுண்டரி) கைகொடுத்தார். பின் இணைந்த பென் மெக்டெர்மாட், மாத்யூ வேட் ஜோடி நம்பிக்கை தந்தது. நாதன் மெக்ஆன்ட்ரூ பந்தை பவுண்டரிக்கு விரட்டிய மெக்டெர்மாட் வெற்றியை உறுதி செய்தார்.

ஹோபர்ட் அணி 14.1 ஓவரில் 3 விக்கெட்டுக்கு 185 ரன் எடுத்து வெற்றி பெற்றது. மெக்டெர்மாட் (18), வேட் (32) அவுட்டாகாமல் இருந்தனர்.