தமிழக கிரிக்கெட் சங்கம் சார்பில், புச்சி பாபு தொடர் நடக்கிறது. திண்டுக்கல், நத்தத்தில் நடக்கும் பைனலில் ஐதராபாத், சத்தீஸ்கர் அணிகள் விளையாடுகின்றன. முதல் நாள் முடிவில் ஐதராபாத் அணி 288/6 ரன் எடுத்திருந்தது. ரோகித் ராயுடு (74) அவுட்டாகாமல் இருந்தார்.

இரண்டாம் நாள் ஆட்டத்தில் அபாரமாக ஆடிய ரோகித் ராயுடு (155) கைகொடுக்க, ஐதராபாத் அணி முதல் இன்னிங்சில் 417 ரன்னுக்கு 'ஆல்-அவுட்' ஆனது. சத்தீஸ்கர் சார்பில் ககன்தீப் சிங், ஷசாங்க் திவாரி, ஜீவேஷ், வாசுதேவ் தலா 2 விக்கெட் வீழ்த்தினர்.

பின் முதல் இன்னிங்சை துவக்கிய சத்தீஸ்கர் அணி, ஆட்டநேர முடிவில் 145/8 ரன் எடுத்திருந்தது. ஆயுஷ் பாண்டே (36), ககன்தீப் சிங் (33*) ஆறுதல் தந்தனர். ஐதராபாத் சார்பில் தனய் தியாகராஜன், அனிகேத் ரெட்டி தலா 3, ரோகித் ராயுடு 2 விக்கெட் சாய்த்தனர்.