இந்தியா வந்துள்ள அயர்லாந்து பெண்கள் அணி, 3 போட்டி கொண்ட ஒருநாள் தொடரில் பங்கேற்கிறது. முதல் போட்டி ராஜ்கோட்டில் நடந்தது. 'டாஸ்' வென்ற அயர்லாந்து அணி பேட்டிங் தேர்வு செய்தது.

அயர்லாந்து அணிக்கு லியா (59) ரன், கேபி (92) கைகொடுத்தனர். ஆர்லின் 28 ரன் எடுத்தார். 50 ஓவரில் 7 விக்கெட்டுக்கு 238 ரன் எடுத்தது. இந்தியா சார்பில் பிரியா அதிகபட்சம் 2 விக்கெட் சாய்த்தார்.

எளிய இலக்கைத் துரத்திய இந்திய அணிக்கு கேப்டன் ஸ்மிருதி மந்தனா, பிரதிகா ஜோடி சூப்பர் துவக்கம் கொடுத்தது. மந்தனா 29 பந்தில் 41 ரன் எடுத்தார். ஹர்லீன் 20, ஜெமிமா 9 ரன்னில் அவுட்டாகினார். பிரதிகா அரைசதம் அடித்தார். 4வது விக்கெட்டுக்கு 116 ரன் சேர்த்த போது, பிரதிகா (89) அவுட்டானார். இந்தியா 34.3 ஓவரில் 4 விக்கெட்டுக்கு 241 ரன் எடுத்து வெற்றி பெற்றது. தேஜல் (53), ரிச்சா (2) அவுட்டாகாமல் இருந்தனர்.