ஜம்மு-காஷ்மீரின் ஸ்ரீநகரில், இரானி கோப்பை முதல்தர கிரிக்கெட் போட்டி நடக்கிறது. இதன் முதல் இன்னிங்சில் 'ரெஸ்ட் ஆப் இந்தியா' 237, ஜம்மு-காஷ்மீர் 278 ரன் எடுத்தன. இரண்டாம் நாள் முடிவில் 'ரெஸ்ட் ஆப் இந்தியா' அணி 2வது இன்னிங்சில் 24/1 ரன் எடுத்திருந்தது.

மூன்றாம் நாள் ஆட்டத்தில் சனத் சங்வான் (55) அரைசதம் கடந்தார். சுதிப் குமார் (33), சரன்ஷ் ஜெயின் (25) ஓரளவு கைகொடுத்தனர். சர்பராஸ் கான் (0) ஏமாற்றினார். மானவ் சுதார் (16), கேப்டன் ரிஷாப் பன்ட் (8) சோபிக்கவில்லை. அபாரமாக ஆடிய ரவிச்சந்திரன் ஸ்மரன் சதம் விளாசினார்.

ஆட்டநேர முடிவில் 'ரெஸ்ட் ஆப் இந்தியா' அணி 2வது இன்னிங்சில் 306/8 ரன் எடுத்து, 265 ரன் முன்னிலை பெற்றிருந்தது. ஸ்மரன் (126), முகேஷ் சவுத்ரி (8) அவுட்டாகாமல் இருந்தனர். ஜம்மு-காஷ்மீர் அணி சார்பில் உமர் நசிர் மிர், சாஹில் லோட்ரா தலா 3 விக்கெட் கைப்பற்றினர்.