'டி-20' உலக கோப்பை தொடருக்கான ஆசிய பிரிவு தகுதிச்சுற்று மங்கோலியாவில் நடந்தது. இதன் 'ஏ' பிரிவு போட்டியில் மங்கோலியா, சிங்கப்பூர் அணிகள் மோதின. 'டாஸ்' வென்ற சிங்கப்பூர், பீல்டிங் தேர்வு செய்தது.

மங்கோலிய அணிக்கு எதுவும் சரியாக அமையவில்லை. முதல் ரன்னை எடுப்பதற்குள் இரு விக்கெட்டுகளை இழந்தது. தொடர்ந்து விக்கெட்டுகள் சரிந்தன. ஒரு கட்டத்தில் 5 ரன்னுக்கு 7 விக்கெட்டுகளை இழந்தது. இதில் இருந்து கடைசி வரை மீளவே முடியவில்லை. மங்கோலியா அணி 10 ஓவரில் 10 ரன்னுக்கு (2 உதிரி) சுருண்டது. கன்போல்டு, ஷுரன்ட்செட்செக் அதிகபட்சம் தலா 2 ரன் எடுத்தனர். சிங்கப்பூர் அணியின் 17 வது சுழற்பந்து வீச்சாளர் ஹர்ஷா பரத்வாஜ், 3 ரன்னுக்கு 6 விக்கெட் சாய்த்தார்.

பின் களமிறங்கிய சிங்கப்பூர் அணியின் மன்பிரீத் சிங், முதல் பந்தில் 'டக்' அவுட்டானார். அடுத்து வந்த பதுயாக், சிக்சர், பவுண்டரி என விளாச, 0.5 ஓவரில் 13/1 ரன் எடுத்தது. 115 பந்து மீதமுள்ள நிலையில், சிங்கப்பூர் அணி 9 விக்கெட்டில் வெற்றி பெற்றது.