புதிய சண்டிகர்: பஞ்சாப் அணிக்கு எதிரான போட்டியின் (ஏப்.28) போது ராஜஸ்தான் கேப்டன் ரியான் பராக், 'டிரஸ்சிங் ரூமில்' 'இ-சிகரெட்' புகைத்தது அம்பலமானது. இது, சட்டப்படி தவறு என்பதால், இவருக்கு தடை விதிக்கப்பட வாய்ப்பு இருந்தது. ஆனால், ஒரு தகுதி இழப்பு புள்ளி, போட்டி சம்பளத்தில் இருந்து 25 சதவீத அபராதத்துடன் தப்பினார். ஏற்கனவே வீரர்களுக்கான 'டக்-அவுட்' பகுதியில் அலைபேசி பயன்படுத்திய ராஜஸ்தான் மேனேஜர் ரோமி பிந்தருக்கு ரூ. 1 லட்சம் அபராதம் விதிக்கப்பட்டது. தொடர்ந்து விதிமுறை மீறும் ராஜஸ்தான் அணி மீது கடும் நடவடிக்கை எடுக்க பி.சி.சி.ஐ., திட்டமிட்டுள்ளது.