ஒருநாள் போட்டியில் சிறந்து விளங்கும் வீரர்களுக்கான தரவரிசை பட்டியலை, சர்வதேச கிரிக்கெட் கவுன்சில் (ஐ.சி.சி.,) துபாயில் வெளியிட்டது. பேட்டர் தரவரிசையில் இந்தியாவின் சுப்மன் கில், 784 புள்ளிகளுடன் 'நம்பர்-1' இடத்தை தக்கவைத்துக் கொண்டார். மற்ற இந்திய வீரர்களான ரோகித் சர்மா (756 புள்ளி), விராத் கோலி (736) முறையே 2, 4வது இடத்தில் நீடிக்கின்றனர்.

தென் ஆப்ரிக்காவுக்கு எதிரான 3வது ஒருநாள் போட்டியில் சதம் விளாசிய ஆஸ்திரேலியாவின் டிராவிஸ் ஹெட் (669 புள்ளி, 11வது இடம்), மிட்சல் மார்ஷ் (537 புள்ளி, 44வது இடம்), கிரீன் (451 புள்ளி, 78வது இடம்) முன்னேற்றம் கண்டனர்.

பவுலர் தரவரிசையில் இந்தியாவின் குல்தீப் யாதவ் (650 புள்ளி, 3வது இடம்), ரவிந்திர ஜடேஜா (616 புள்ளி, 9வது இடம்) 'டாப்-10' பட்டியலில் தொடர்கின்றனர். முதலிடத்தில் தென் ஆப்ரிக்காவின் கேஷவ் மஹாராஜ் (671) நீடிக்கிறார். இவருடன், இலங்கையின் மகேஷ் தீக் ஷனா 'நம்பர்-1' இடத்தை பகிர்ந்து கொண்டார்.