இந்தியா வரவுள்ள தென் ஆப்ரிக்க பெண்கள் அணி, ஒரு டெஸ்ட், மூன்று ஒருநாள், மூன்று 'டி-20' போட்டிகள் கொண்ட தொடரில் பங்கேற்கிறது. ஒருநாள், 'டி-20' போட்டிகள் பெங்களூருவில் உள்ள சின்னசாமி மைதானத்தில் நடக்கவுள்ளன. முதல் ஒருநாள் போட்டி ஜூன் 16ல் நடக்கிறது. மீதமுள்ள போட்டிகள் ஜூன் 19, 23ல் நடக்கும்.

அதன்பின் சென்னை, சேப்பாக்கத்தில் உள்ள எம்.ஏ. சிதம்பரம் மைதானத்தில் ஜூன் 28-ஜூலை 2ல் நடக்கும் ஒரே ஒரு டெஸ்ட் போட்டியில் மோதுகின்றன. இப்போட்டி கடந்த 7 மாதத்தில் இந்திய பெண்கள் அணி பங்கேற்கும் 3வது டெஸ்ட் போட்டியாகும். கடந்த டிசம்பரில் இங்கிலாந்து, ஆஸ்திரேலியாவுடன் விளையாடியது. மீண்டும் பெங்களூரு திரும்பும் இவ்விரு அணிகள் ஜூலை 5, 7, 9ல் 'டி-20' போட்டியில் பங்கேற்கின்றன.