பெங்களூரு: இங்கிலாந்து செல்லும் இந்தியாவின் 19 வயதுக்குட்பட்ட அணி, 5 'யூத்' ஒருநாள், 2 'யூத்' டெஸ்டில் பங்கேற்கிறது. ஹோவில் உள்ள கவுன்டி மைதானத்தில் ஜூன் 27ல் இத்தொடர் துவங்குகிறது. இதற்கான இந்திய அணியில் 14 வயது வைபவ் சூர்யவன்ஷி இடம் பெற்றுள்ளார். சமீபத்திய பிரிமியர் லீக் தொடரில், ராஜஸ்தான் அணிக்காக அசத்திய இவர், 35 பந்தில் (எதிர்-குஜராத்) அதிவேக சதம் விளாசினார். 7 போட்டியில் 252 ரன் குவித்தார்.