மலேசியாவில், 19 வயதுக்குட்பட்ட அணிகளுக்கான ஐ.சி.சி., 'டி-20' உலக கோப்பை 2வது சீசன் நடக்கிறது. மொத்தம் 16 அணிகள் பங்கேற்கின்றன. 'ஏ' பிரிவு லீக் போட்டியில் இந்தியா, மலேசியா அணிகள் மோதின. 'டாஸ்' வென்ற இந்திய அணி 'பீல்டிங்' தேர்வு செய்தது.

மலேசிய அணி 14.3 ஓவரில் 31 ரன்னுக்கு 'ஆல்-அவுட்' ஆனது. நுார் அலியா, நசதுல் ஹிதாயா தலா 5 ரன் எடுத்தனர். இந்தியா சார்பில் வைஷ்ணவி சர்மா 5, ஆயுஷி சுக்லா 3 விக்கெட் சாய்த்தனர்.

சுலப இலக்கை விரட்டிய இந்திய அணிக்கு திரிஷா (27* ரன், 5 பவுண்டரி), கமலினி (4*) கைகொடுக்க, 2.5 ஓவரில் விக்கெட் இழப்பின்றி 32 ரன் எடுத்து வெற்றி பெற்றது. ஏற்கனவே முதல் போட்டியில் வெஸ்ட் இண்டீசை வீழ்த்திய இந்தியா, 4 புள்ளிகளுடன் 'ஏ' பிரிவில் முதலிடத்தில் உள்ளது. ஆட்ட நாயகி விருதை வைஷ்ணவி தட்டிச் சென்றார்.