ஜிம்பாப்வே சென்ற அயர்லாந்து அணி, மூன்று போட்டிகள் கொண்ட ஒருநாள் தொடரில் பங்கேற்கிறது. முதல் போட்டி ஹராரேயில் நடந்தது. 'டாஸ்' வென்ற அயர்லாந்து 'பீல்டிங்' தேர்வு செய்தது.

ஜிம்பாப்வே அணிக்கு பிரையன் பென்னட், பென் கர்ரான் ஜோடி நல்ல துவக்கம் கொடுத்தது. முதல் விக்கெட்டுக்கு 95 ரன் சேர்த்த போது கர்ரான் (28) அவுட்டானார். அடுத்து வந்த கேப்டன் கிரெய்க் எர்வின் (66) அரைசதம் கடந்தார். மறுமுனையில் அசத்திய பென்னட் (169) சதம் விளாசினார். ஜிம்பாப்வே அணி 50 ஓவரில் 5 விக்கெட்டுக்கு 299 ரன் எடுத்தது.

கடின இலக்கை விரட்டிய அயர்லாந்து அணிக்கு கர்டிஸ் கேம்பர் (44), ஹாரி டெக்டர் (39), ஜார்ஜ் டாக்ரெல் (34), கேப்டன் பால் ஸ்டிர்லிங் (32), ஆன்டி மெக்பிரைன் (32) ஆறுதல் தந்தனர். மற்றவர்கள் ஏமாற்ற அயர்லாந்து அணி 46 ஓவரில் 250 ரன்னுக்கு 'ஆல்-அவுட்'டாகி தோல்வியடைந்தது. ஜிம்பாப்வே சார்பில் முசரபானி 4, ரிச்சர்ட் கராவா 3 விக்கெட் சாய்த்தனர். ஜிம்பாப்வே அணி 1-0 என முன்னிலை பெற்றது. ஆட்ட நாயகன் விருதை பிரையன் பென்னட் வென்றார்.