இந்தியன் சூப்பர் லீக் (ஐ.எஸ்.எல்.,) கால்பந்து 11வது சீசன் நடக்கிறது. சென்னையில் நடந்த லீக் போட்டியில் சென்னை, முகமதன் அணிகள் மோதின. ஆட்டத்தின் 39வது நிமிடத்தில் முகமதன் அணியின் லால்ரெம்சங்கா பனாய் ஒரு கோல் அடித்தார். இதற்கு சென்னை அணியினரால் பதிலடி கொடுக்க முடியவில்லை. முதல் பாதி முடிவில் சென்னை அணி 0-1 என பின்தங்கி இருந்தது.

இரண்டாவது பாதியின் கடைசி நிமிடம் வரை போராடிய சென்னை அணி வீரர்களால் ஒரு கோல் கூட அடிக்க முடியவில்லை. ஆட்டநேர முடிவில் சென்னை அணி 0-1 என்ற கணக்கில் தோல்வியடைந்தது. சென்னை அணி, இதுவரை விளையாடிய 2 போட்டியில், ஒரு வெற்றி, ஒரு தோல்வியை பெற்றது. முதல் போட்டியில் ஒடிசா அணியை வென்றிருந்தது.

முகமதன் அணி முதல் வெற்றியை பதிவு செய்தது. மூன்று போட்டியில், ஒரு வெற்றி, ஒரு 'டிரா', ஒரு தோல்வியை பெற்றது.