இந்திய கால்பந்து கூட்டமைப்பு சார்பில் 'ஐ-லீக்' தொடர் நடத்தப்படுகிறது. நேற்று, கோவாவில் நடந்த லீக் போட்டியில் சர்ச்சில் பிரதர்ஸ், ராஜஸ்தான் அணிகள் மோதின. அபாரமாக ஆடிய சர்ச்சில் பிரதர்ஸ் அணி 3-1 என்ற கோல் கணக்கில் வெற்றி பெற்றது. சர்ச்சில் பிரதர்ஸ் அணிக்கு டிரைஜாய் சவியோ தியாஸ் (27, 63வது நிமிடம்), ஸ்டென்ட்லி பெர்ணான்டஸ் (84வது) கைகொடுத்தனர். ராஜஸ்தான் அணி சார்பில் பெக்துார் (78வது) ஒரு கோல் அடித்தார்.

இதுவரை விளையாடிய 17 போட்டியில், 9 வெற்றி, 4 'டிரா', 4 தோல்வி என 31 புள்ளிகளுடன் சர்ச்சில் பிரதர்ஸ் அணி முதலிடத்துக்கு முன்னேறியது. இன்டர் காஷி அணி (31 புள்ளி) 2வது இடத்தில் உள்ளது. ராஜஸ்தான் அணி 24 புள்ளிகளுடன் (6 வெற்றி, 6 'டிரா', 5 தோல்வி) 5வது இடத்தில் உள்ளது.