இந்தியாவில் பெண்களுக்கான கால்பந்து லீக் (ஐ.டபிள்யு.எல்.,) தொடர் நடக்கிறது. ஈஸ்ட் பெங்கால், தமிழகத்தின் சேது (மதுரை), கோகுலம் கேரளா உட்பட மொத்தம் 8 கிளப் அணிகள் பங்கேற்கின்றன.

நேற்று கோல்கட்டாவில் நடந்த இரண்டாவது சுற்று போட்டியில் நீடா (ஒடிசா), சேசா (கோவா) அணிகள் மோதின. நீடா அணி வீராங்கனை பியாரி, முதல் நிமிடத்தில் கோல் அடித்தார். தொடர்ந்து 71, 74 வது நிமிடத்தில் அசத்திய இவர், 'ஹாட்ரிக்' கோல் அடித்து கைகொடுத்தார். அமிர்தாடவ் (25, 60) 2, பூமிகாதேவி (6) 1 கோல் அடிக்க, நீடா அணி 6-0 என்ற கணக்கில் வெற்றி பெற்றது. சேசா சார்பில் டயானா (90+3) ஆறுதல் கோல் அடித்தார்.

* மற்றொரு போட்டியில் ஈஸ்ட் பெங்கால் அணி 1-0 என சேது அணியை வீழ்த்தியது. ஸ்ரீபூமி அணி 4-0 என, மூன்று முறை சாம்பியன் ஆன கோகுலம் கேரளாவை வென்றது.