இந்தியன் சூப்பர் லீக் (ஐ.எஸ்.எல்.,) கால்பந்து 11வது சீசன் நடக்கிறது. சென்னையில் நடந்த லீக் போட்டியில் சென்னை, ஜாம்ஷெட்பூர் அணிகள் மோதின. இது, நடப்பு சீசனில் சென்னை அணி பங்கேற்ற கடைசி போட்டி. அபாரமாக ஆடிய சென்னை அணி 5-2 என்ற கோல் கணக்கில் ஆறுதல் வெற்றி பெற்றது.

சென்னை அணி சார்பில் டேனியல் சிமா (25, 90+6வது நிமிடம்), இர்பான் யாத்வாட் (57, 90வது) தலா 2, லுாகாஸ் பிரம்பில்லா (45+3வது) ஒரு கோல் அடித்தனர். ஜாம்ஷெட்பூர் அணிக்கு ரீ டச்சிகாவா (18வது நிமிடம்), முகமது சனான் (62வது) தலா ஒரு கோல் அடித்தனர்.

சென்னை அணி 24 போட்டியில், 7 வெற்றி, 6 'டிரா', 11 தோல்வி என 27 புள்ளிகளுடன் 11வது இடத்தில் உள்ளது.

ஏற்கனவே 'பிளே-ஆப்' சுற்றுக்கு முன்னேறிய ஜாம்ஷெட்பூர் அணி 38 புள்ளிகளுடன் (12 வெற்றி, 2 'டிரா', 10 தோல்வி) 5வது இடத்தில் உள்ளது.