இங்கிலாந்தில் எப்.ஏ., கோப்பை கால்பந்து 143வது சீசன் நடந்தது. லண்டனில் நடந்த பைனலில் மான்செஸ்டர் சிட்டி, மான்செஸ்டர் யுனைடெட் அணிகள் மோதின. துவக்கத்தில் இருந்து ஆதிக்கம் செலுத்திய மான்செஸ்டர் யுனைடெட் அணிக்கு கர்னாச்சோ (30வது நிமிடம்), மைனோ (39வது) தலா ஒரு கோல் அடித்து கைகொடுத்தனர். முதல் பாதி முடிவில் மான்செஸ்டர் யுனைடெட் அணி 2-0 என முன்னிலை பெற்றது.

இரண்டாவது பாதியில் மான்செஸ்டர் சிட்டி அணிக்கு 89வது நிமிடத்தில் ஜெரிமி டோகு ஒரு கோல் அடித்து ஆறுதல் தந்தார். ஆட்டநேர முடிவில் மான்செஸ்டர் யுனைடெட் அணி 2-1 என்ற கணக்கில் வெற்றி பெற்று, 13வது முறையாக கோப்பை வென்றது.