ஐரோப்பிய கிளப் அணிகள் பங்கேற்கும் சாம்பியன்ஸ் லீக் கால்பந்து 69வது சீசன் நடக்கிறது. இரண்டு சுற்றுகளாக நடந்த காலிறுதியில் ரியல் மாட்ரிட் (ஸ்பெயின்), 'நடப்பு சாம்பியன்' மான்செஸ்டர் சிட்டி (இங்கிலாந்து) அணிகள் மோதின. மாட்ரிட்டில் நடந்த முதல் சுற்று போட்டி 3-3 என 'டிரா' ஆனது.

இவ்விரு அணிகள் மோதிய இரண்டாவது சுற்று போட்டி மான்செஸ்டரில் நடந்தது. விறுவிறுப்பான இப்போட்டி ஆட்டநேர முடிவில் 1-1 என 'டிரா' ஆனது.

இரண்டு சுற்றுகளின் முடிவில் போட்டி 4-4 என சமநிலை வகித்தது. பின் 'பெனால்டி ஷூட் அவுட்' முறையில் வெற்றியாளர் தீர்மானிக்கப்பட்டது. இதில் அபாரமாக ஆடிய ரியல் மாட்ரிட் அணி 4-3 என்ற கணக்கில் 'திரில்' வெற்றி பெற்று அரையிறுதிக்குள் நுழைந்தது.

மற்றொரு காலிறுதியில் பேயர்ன் முனிக் (ஜெர்மனி) அணி 3-2 என ஆர்சனல் (இங்கிலாந்து) அணியை வீழ்த்தியது. இரண்டு சுற்றுகளாக நடக்கும் அரையிறுதியில் (ஏப். 30, மே 8) ரியல் மாட்ரிட், பேயர்ன் முனிக் அணிகள் மோதுகின்றன. மற்றொரு அரையிறுதியில் (மே 1, 7) பாரிஸ் செயின்ட்-ஜெர்மைன் (பிரான்ஸ்), போருசியா டார்ட்மண்ட் (ஜெர்மனி) அணிகள் விளையாடுகின்றன.