கடந்த ஆண்டு யு.எஸ்., ஓபனில் பைனல் வரை சென்ற இத்தாலியின் ஜானிக் சின்னர், வலது முழங்கால் காயத்தால் விலகினார்.

அரையிறுதியில் ஜெசிகா

சின்சினாட்டி: அமெரிக்காவில், சின்சினாட்டி ஓபன் டென்னிஸ் தொடர் நடக்கிறது. பெண்கள் ஒற்றையர் பிரிவு காலிறுதியில் அமெரிக்காவின் ஜெசிகா பெகுலா, அமண்டா அனிசிமோவா மோதினர். இதில் ஜெசிகா 6-4, 2-6, 7-6 என வெற்றி பெற்றார். மற்றொரு காலிறுதியில் போலந்தின் இகா ஸ்வியாடெக், கஜகஸ்தானின் எலினா ரிபாகினா மோதினர். முதல் செட்டில் 1-4 என பின்தங்கி இருந்த போது இடது கணுக்காலில் காயமடைந்த ரிபாகினா, பாதியில் விலகினார். ஸ்வியாடெக் அரையிறுதிக்கு தகுதி பெற்றார்.

எக்ஸ்டிராஸ்

* ஐதராபாத்தில், வரும் டிச. 8-13ல் டென்னிஸ் பிரிமியர் லீக் (டி.பி.எல்.,) 8வது சீசன் நடக்கவுள்ளது. இதில் 'நடப்பு சாம்பியன்' டில்லி, ஐதராபாத், லக்னோ, கொல்கட்டா, மும்பை, குஜராத், ராஜஸ்தான், குர்கான் என, 8 அணிகள் பங்கேற்கின்றன.

* 'கிராண்ட் செஸ் டூர்' 11வது சீசன், 5 தொடர்களாக நடந்தது. இதில் 'டாப்-4' இடம் பெற்ற நான்கு வீரர்கள், இன்று அமெரிக்காவின் செயின்ட் லுாயிசில் துவங்கும் பைனலுக்கு தகுதி பெற்றனர். இதில், இந்தியாவின் பிரக்ஞானந்தா-ஜெர்மனியின் வின்சென்ட் கீமர், அமெரிக்க வீரர்கள் வெஸ்லே-பேபியானோ, நேரடியாக அரையிறுதியில் மோதுகின்றனர்.

* மும்பையில், ஆசிய ஜூனியர் கிளாசிகல் செஸ் தொடர் நடக்கிறது. இதன் ஓபன் பிரிவு 2வது சுற்றில் குரு பிரகாஷ், விஷால் ஷாவை வீழ்த்தினார். மற்றொரு போட்டியில் மானவ் குமார், அருண் கட்டாரியை வென்றார்.

* கான்பூரில், தேசிய ரேங்கிங் டேபிள் டென்னிஸ் சாம்பியன்ஷிப் நடந்தது. பெண்கள் (17 வயது) ஒற்றையர் பைனலில், மஹாராஷ்டிராவின் திவ்யான்ஷி 3-1 என, தமிழகத்தின் அனன்யாவை வீழ்த்தினார். ஆண்களுக்கான பைனலில் குஜராத்தின் விவான் தேவ் 3-2 என, கர்நாடகாவின் அதர்வாவை வென்றார்.