கனடாவின் டொரன்டோவில் 'கேண்டிடேட்ஸ்' செஸ் தொடர் நடக்கிறது. ஆறாவது சுற்றில் இந்தியாவின் பிரக்ஞானந்தா, அஜர்பெய்ஜானின் நிஜாத்தை எதிர்கொண்டார். வெள்ளை நிற காய்களுடன் விளையாடினார் பிரக்ஞானந்தா. இதில் சிறப்பாக செயல்பட்ட பிரக்ஞானந்தா, 45 வது நகர்த்தலில் வெற்றி பெற்றார். மற்றொரு போட்டியில் இந்திய வீரர் விதித் சந்தோஷ் குஜ்ராத்தி, ஈரானின் அலிரேசாவை சந்தித்தார். இதில் விதித் 39 வது நகர்த்தலில் வெற்றி பெற்றார். இந்தியாவின் குகேஷ், அமெரிக்காவின் ஹிகாரு நகமுரா மோதிய போட்டி 'டிரா' ஆனது.

ஆறு சுற்று முடிவில் குகேஷ் (4.0), ரஷ்யாவின் நேபோம்னியாட்சி (4.0) முதல் இரு இடத்தில் உள்ளனர். அமெரிக்காவின் காருணா (3.0) பிரக்ஞானந்தா (3.0) அடுத்த இரு இடத்தில் நீடிக்கின்றனர். விதித் சந்தோஷ் (3.0) ஐந்தாவது இடத்துக்கு முன்னேறினார்.

பெண்கள் தொடரின் ஆறாவது சுற்று போட்டியில் இந்தியாவின் ஹம்பி, வைஷாலி தோல்வியடைந்தனர். வைஷாலி (2.5), ஹம்பி (2.0) 6, 7வது இடத்துக்கு தள்ளப்பட்டனர்.