இந்தியாவில், புரோ கபடி லீக் 11வது சீசன் நடக்கிறது. ஐதராபாத்தில் நடந்த லீக் போட்டியில் டில்லி, உ.பி., அணிகள் மோதின. முதல் பாதி முடிவில் உ.பி., அணி 12-11 என முன்னிலையில் இருந்தது. இரண்டாவது பாதியில் மீண்டும் அசத்திய உ.பி., அணி, டில்லி அணி வீரர்களை 'ஆல்-அவுட்' செய்து, 16 புள்ளி பெற்றது. ஆட்டநேர முடிவில் உ.பி., அணி 28-23 என்ற கணக்கில் வெற்றி பெற்றது.

உ.பி., அணிக்கு பவானி ராஜ்புத் (7 புள்ளி), சாகுல் குமார் (5), கேப்டன் சுரேந்தர் கில் (4) கைகொடுத்தனர். டில்லி அணி சார்பில் நவீன் குமார், கேப்டன் அஷு மாலிக், ஆஷிஸ் தலா 4 புள்ளி பெற்றனர்.

மற்றொரு லீக் போட்டியில் புனே அணி 40-25 என்ற கணக்கில் பாட்னாவை வீழ்த்தியது.