* ஆசிய சாம்பியன்ஸ் டிராபி ஹாக்கி தொடர், 9 வது சீசன், வரும் 27 முதல் நவ. 5 வரை பஞ்சாப்பில் நடக்க உள்ளது. இத்தொடரின் அனைத்து போட்டிகளையும் காண, ரசிகர்களுக்கு இலவச அனுமதி வழங்கப்பட்டுள்ளது.

* போர்ச்சுகலின் லிஸ்பனில் ஆண்களுக்கான சாலஞ்சர் கோப்பை டென்னிஸ் தொடர் நடக்கிறது. ஒற்றையர் பிரிவு முதல் சுற்றில் இந்தியாவின் சுமித் நாகல், 6–4, 6–2 என ஸ்பெயினின் சான்செசை வீழ்த்தினார்.

* மும்பையில் நடக்கும் ஆண்களுக்கான ஐ.டி.எப்., டென்னிஸ் முதல் சுற்றில் இந்தியாவின் மணிஷ் சுரேஷ்குமார், கரண் சிங், பிரபோத் உள்ளிட்டோர் வெற்றி பெற்றனர்.

* ஏ.எப்.சி., சாலஞ்ச் கால்பந்து தொடரில் இந்தியாவின் கோவா அணி, 2–1 என்ற கோல் கணக்கில் வங்கதேசத்தின் போர்டிஸ் அணியை வென்றது. கோவா அணிக்கு ஓர்டிஸ், சிக்கி தலா ஒரு கோல் அடித்து உதவினர்.