துபாயில், மாற்றுத்திறனாளிகளுக்கான ஆசிய யூத் பாரா விளையாட்டு நடக்கிறது. ஆண்களுக்கான (17-18 வயது) நீச்சல் போட்டி 50 மீ., 'பேக்ஸ்டிரோக்' பிரிவு (எஸ் 1-5) பைனலில் இலக்கை 40.35 வினாடியில் கடந்து முதலிடம் பிடித்த இந்தியாவின் அப்துல் காதிர் இந்தோரி, தங்கப்பதக்கத்தை தட்டிச் சென்றார்.

ஆண்களுக்கான (17-18 வயது) நீச்சல் போட்டி 50 மீ., 'பட்டர்பிளை' பிரிவு (எஸ் 2-7) பைனலில் பந்தய துாரத்தை 43.26 வினாடியில் கடந்த இந்தியாவின் அப்துல் காதிர், 3வது இடம் பிடித்து வெண்கலம் கைப்பற்றினார். தங்கம், வெள்ளிப்பதக்கத்தை உஸ்பெகிஸ்தான் வீரர்கள் தட்டிச் சென்றனர்.

இந்தியாவுக்கு ஒரு தங்கம், ஒரு வெண்கலம் என, 2 பதக்கம் கிடைத்துள்ளது.