பிரேசிலில், 'ஸ்டார் கன்டென்டர்' டேபிள் டென்னிஸ் தொடர் நடந்தது. இதன் ஆண்கள் இரட்டையர் பிரிவு பைனலில் இந்தியாவின் மானவ் தக்கார், மனுஷ் ஷா ஜோடி, ஜெர்மனியின் பெனடிக்ட் டுடா, டாங் கியு ஜோடியை சந்தித்தது. இதில் மானவ், மனுஷ் ஜோடி 2-3 (3-11, 11-7, 7-11, 15-13, 5-11) என்ற கணக்கில் போராடி தோல்வியடைந்து 2வது இடத்தை கைப்பற்றியது.

கலப்பு இரட்டையர் பிரிவு பைனலில் இந்தியாவின் மனுஷ் ஷா, தியா ஜோடி 2-3 (4-11, 11-8, 11-5, 5-11, 2-11) என்ற கணக்கில் ஜப்பானின் சாடோஷி, ஹோனோகா ஹஷிமோட்டோ ஜோடியிடம் தோல்வியடைந்து 2வது இடம் பிடித்தது.

பெண்கள் ஒற்றையர் பிரிவு காலிறுதியில் இந்தியாவின் மணிகா பத்ரா, ஜப்பானின் ஹோனோகா ஹஷிமோட்டோ மோதினர். இதில் ஏமாற்றிய மணிகா 0-3 (7-11, 6-11, 7-11) என்ற கணக்கில் தோல்வியடைந்து வெளியேறினார்.