சீனாவின் மக்காவ் நகரில் உலக கோப்பை (ஒற்றையர்) டேபிள் டென்னிஸ் தொடர் நடக்கிறது. பெண்கள் ஒற்றையரில் இந்தியா சார்பில் மணிகா பத்ரா, ஸ்ரீஜா அகுலா பங்கேற்றனர்.

'குரூப்-2' பிரிவு 2வது லீக் போட்டியில் இந்தியாவின் மணிகா பத்ரா, உலகின் 'நம்பர்-2' சீனாவின் வாங் மான்யு மோதினர். இதில் ஏமாற்றிய மணிகா 0-4 (6-11, 4-11, 9-11, 4-11) என்ற கணக்கில் தோல்வியடைந்தார்.

'குரூப்-4' பிரிவு 2வது லீக் போட்டியில் இந்தியாவின் ஸ்ரீஜா அகுலா, 'நடப்பு சாம்பியன்', உலகின் 'நம்பர்-4' சீனாவின் சென் மெங் மோதினர். இதில் ஸ்ரீஜா 1-3(4-11, 4-11, 15-13, 2-11) என தோல்வியடைந்தார்.

இருவரும் முதல் லீக் போட்டியில் தோல்வியடைந்ததால் 'நாக்-அவுட்' சுற்றுக்கான வாய்ப்பை இழந்து வெளியேறினர். இருப்பினும் 40 'ரேங்கிங்' புள்ளி கூடுதலாக பெற உள்ள ஸ்ரீஜா, அடுத்து வெளியாகும் உலக தரவரிசையில் மணிகா பத்ராவை முந்தி இந்தியாவின் 'நம்பர்-1' டேபிள் டென்னிஸ் வீராங்கனையாக வலம் வர உள்ளார்.