சீனாவில், உலக கோப்பை டேபிள் டென்னிஸ் (ஒற்றையர்) தொடர் நடக்கிறது. இந்தியா சார்பில் மணிகா பத்ரா, ஸ்ரீஜா அகுலா மட்டும் பங்கேற்கின்றனர்.

பெண்கள் ஒற்றையர் 'குரூப்-16' முதல் போட்டியில் இந்தியாவின் மணிகா பத்ரா, பிரான்சின் கிரெட் மேலிஸ் மோதினர். அபாரமாக ஆடிய மணிகா 4-0 (11-1, 11-2, 11-6, 11-4) என்ற கணக்கில் வெற்றி பெற்றார்.

'குரூப்-9' முதல் போட்டியில் இந்தியாவின் ஸ்ரீஜா அகுலா, ஆஸ்திரேலியாவின் கான்ஸ்டான்டினா சைஹோகியோஸ் மோதினர். இதில் அசத்திய ஸ்ரீஜா 3-1 (11-9, 11-4, 11-8, 6-11) என்ற கணக்கில் வெற்றி பெற்றார்.