ஜார்க்கண்ட் மாநிலம் ஜாம்ஷெட்பூரில், சீனியர் தேசிய வில்வித்தை சாம்பியன்ஷிப் நடந்தது. பெண்கள் தனிநபர் 'ரீகர்வ்' பிரிவு பைனலில் பெட்ரோலிய விளையாட்டு மேம்பாட்டு ஆணைய (பி.எஸ்.பி.பி.,) அணியின் தீபிகா குமாரி, ஜார்க்கண்ட் வீராங்கனை அன்கிதா பகத் மோதினர். இதில் தீபிகா குமாரி 6-2 என்ற கணக்கில் வெற்றி பெற்று சாம்பியன் பட்டத்தை கைப்பற்றினார்.

வெண்கலப் பதக்கத்துக்கான போட்டியில் பஞ்சாப்பின் சிம்ரன்ஜீத் கவுர் 7-1 என குஜராத்தின் பார்கவியை வீழ்த்தினார்.

ஆண்கள் தனிநபர் 'ரீகர்வ்' பிரிவு பைனலில் சர்வீசஸ் அணியின் திராஜ், ஹரியானாவின் திவ்யான்ஷ் சவுத்தரி மோதினர். இதில் திராஜ் 6-2 என வெற்றி பெற்று சாம்பியன் ஆனார். உத்தரகாண்ட்டின் அடுல் வர்மா வெண்கலம் வென்றார்.

கலப்பு அணிகள் 'ரீகர்வ்' பிரிவு பைனலில் தீபிகா குமாரி, அடானு தாஸ் அடங்கிய பெட்ரோலிய அணி 6-2 என பஞ்சாப் அணியை வீழ்த்தி தங்கம் வென்றது. ஆண்கள், பெண்கள் அணிகள் 'ரீகர்வ்' பிரிவில் முறையே ரயில்வேஸ், ஜார்க்கண்ட் அணிகள் சாம்பியன் பட்டத்தை கைப்பற்றின.