கிர்கிஸ்தானில் ஆசிய ஒலிம்பிக் மல்யுத்த தகுதி போட்டி நடக்கிறது. இரண்டாவது நாளான நேற்று பெண்களுக்கான 'பிரீஸ்டைல்' போட்டிகள் நடந்தன. வினேஷ் போகத், 50 கிலோ பிரிவில் களமிறங்கினார். தகுதிச்சுற்றில் 10-0 என மிரன் சியோனை (தென் கொரியா) வென்ற வினேஷ், காலிறுதியில் 2-0 என சம்நங்கை (கம்போடியா) வீழ்த்தி அரையிறுதிக்கு முன்னேறினார்.

இதில் கஜகஸ்தானின் லாராவை எதிர்கொண்டார். வினேஷ் 10-0 என வெற்றி பெற்று, பைனலுக்கு முன்னேறினார். இதையடுத்து பாரிஸ் ஒலிம்பிக்கில் பங்கேற்க தகுதி பெற்றார்.

* 57 கிலோ பிரிவில் இந்தியாவின் அன்ஷு மாலிக், அரையிறுதியில் உஸ்பெகிஸ்தானின் சோபிரோவாவை 10-0 என வீழ்த்தி பைனலுக்குள் நுழைய, பாரிஸ் ஒலிம்பிக்கில் பங்கேற்கும் வாய்ப்பை பெற்றார்.

* 76 கிலோ பிரிவில் இந்தியாவின் ரீத்திகா, அரையிறுதியில் சீன தைபேவின் டி சங்கை 7-0 என சாய்த்து பைனலுக்கு முன்னேறினார். பாரிஸ் ஒலிம்பிக் வாய்ப்பு பெற்றார்.

* 62 கிலோ பிரிவு அரையிறுதியில் இந்தியாவின் மான்ஷி, வடகொரியாவின் கியாங் முனிடம் 0-6 என தோற்று, ஒலிம்பிக் வாய்ப்பை இழந்தார்.