பார்படாஸ் அணி ஏமாற்றம்

செயின்ட் கிட்ஸ்: வெஸ்ட் இண்டீசில், கரீபியன் பிரிமியர் லீக் ('டி-20') 14வது சீசன் நடக்கிறது. செயின்ட் கிட்ஸ் நகரில் நடந்த லீக் போட்டியில் பார்படாஸ், செயின்ட் கிட்ஸ் அண்ட் நேவிஸ் அணிகள் மோதின. குயின்டன் டி காக் (106) கைகொடுக்க, பார்படாஸ் அணி 20 ஓவரில் 217/4 ரன் எடுத்தது. சவாலான இலக்கை விரட்டிய செயின்ட் கிட்ஸ் அண்ட் நேவிஸ் அணிக்கு ஜான்சன் சார்லஸ் (78) நல்ல துவக்கம் கொடுக்க, 19.1 ஓவரில் 220/4 ரன் எடுத்து, 6 விக்கெட் வித்தியாசத்தில் வெற்றி பெற்றது.

பர்மிங்காம் சிட்டி 'டிரா'

லண்டன்: இங்கிலாந்தில், கால்பந்து லீக் சாம்பியன்ஷிப் 11வது சீசன் நடக்கிறது. லீக் போட்டியில் பர்மிங்காம் சிட்டி, சவுத்தாம்ப்டன் அணிகள் மோதின. விறுவிறுப்பான இப்போட்டி ஆட்டநேர முடிவில் 1-1 என்ற கோல் கணக்கில் 'டிரா' ஆனது. மற்றொரு போட்டியில் ஸ்டோக் சிட்டி 1-0 என்ற கோல் கணக்கில் நார்விச் சிட்டி அணியை வீழ்த்தியது. நான்கு போட்டியில், ஒரு வெற்றி, 3 'டிரா' என 6 புள்ளிகளுடன் பர்மிங்காம் அணி 9வது இடத்தில் உள்ளது. சவுத்தாம்ப்டன் அணி (3 புள்ளி) 17வது இடத்தில் உள்ளது.

எக்ஸ்டிராஸ்

* கொல்கட்டாவில், வரும் அக். 3ல் இந்தியா, பிரேசில் அணிகள் மோதும் சர்வதேச நட்பு கால்பந்து போட்டி நடக்கவுள்ளது. இதற்கான டிக்கெட் விற்பனை 'ஆன்-லைனில்' துவங்கியது. டிக்கெட் விலை ரூ. 999 முதல் ரூ. 15,000 வரை நிர்ணயிக்கப்பட்டுள்ளது. குறைந்த விலை டிக்கெட்டுகள் ஒரு மணி நேரத்திற்குள் விற்றுத்தீர்ந்தன.

* மொகாலியில் நடந்த பஞ்சாப் பிரிமியர் லீக் ('டி-20') தொடருக்கான லீக் போட்டியில், ஜலந்தர் வாரியர்ஸ் அணி (265/2), 8 விக்கெட் வித்தியாசத்தில் அமிர்தசரஸ் சூர்மாஸ் அணியை (264/5) வீழ்த்தியது. ஜலந்தர் அணிக்கு பிரப்சிம்ரன் சிங் 47 பந்தில், 125 ரன் (8X6, 14X4) எடுத்து கைகொடுத்தார்.

* கனடாவில் நடந்த பான் அமெரிக்க கோப்பை பில்லியர்ட்ஸ் சாம்பியன்ஷிப் பைனலில், இந்தியாவின் துருவ் சிட்வாலா 972-1500 என்ற கணக்கில் சிங்கப்பூரின் பீட்டர் கில்கிறிஸ்ட்டிடம் தோல்வியடைந்து வெள்ளி வென்றார்.