ஆமதாபாத்தில் (குஜராத்), அல்டிமேட் டேபிள் டென்னிஸ் 6வது சீசன் நடக்கிறது. இதன் லீக் போட்டியில் ஆமதாபாத், ஜெய்ப்பூர் அணிகள் மோதின. ஆண்கள் ஒற்றையர் முதல் போட்டியில் ஜெய்ப்பூரின் கனக் ஜா, ஆமதாபாத்தின் திவ்யான்ஷ் ஸ்ரீவஸ்தவா மோதினர். இதில் கனக் ஜா 3-0 என வென்றார். பெண்கள் ஒற்றையர் முதல் போட்டியில் பிரிட் ஏர்லேண்ட் (ஜெய்ப்பூர்) 3-0 என பிக்கோலினை (ஆமதாபாத்) வீழ்த்தினார்.

கலப்பு இரட்டையர் போட்டியில் ஆமதாபாத்தின் அய்ஹிகா முகர்ஜி, ரிக்கார்டோ வால்டர் ஜோடி 2-1 என ஜெய்ப்பூரின் பிரிட் ஏர்லேண்ட், ஜீத் சந்திரா ஜோடியை வென்றது. ஆண்கள் ஒற்றையர் 2வது போட்டியில் ஜீத் சந்திரா (ஜெய்ப்பூர்) 2-1 என ரிக்கார்டோ வால்டரை (ஆமதாபாத்) தோற்கடித்தார்.

பெண்கள் ஒற்றையர் 2வது போட்டியில் ஜெய்ப்பூரின் ஸ்ரீஜா அகுலா 2-1 என ஆமதாபாத்தின் அய்ஹிகா முகர்ஜியை வீழ்த்தினார். முடிவில் ஜெய்ப்பூர் அணி 2-1 என 3வது வெற்றியை பதிவு செய்தது. இதுவரை விளையாடிய 4 போட்டியில், 3ல் வென்ற ஜெய்ப்பூர் அணி 32 புள்ளிகளுடன் முதலிடத்துக்கு முன்னேறியது.