சிங்கப்பூரில் சர்வதேச டேபிள் டென்னிஸ் தொடர் நடக்கிறது. இதன் ஆண்கள் ஒற்றையர் பிரிவு காலிறுதியில் இந்தியாவின் அஜந்தா சரத் கமல், பிரான்சின் பெலிக்ஸ் லெப்ரன் மோதினர். முதல் மூன்று செட்களை 9-11, 2-11, 7-11 என இழந்த சரத் கமல், நான்காவது செட்டை 11-9 எனக் கைப்பற்றினார். மீண்டும் ஏமாற்றிய இவர், ஐந்தாவது செட்டை 8-11 எனக் கோட்டைவிட்டார்.

முடிவில் சரத் கமல் 1-4 (9-11, 2-11, 7-11, 11-9, 8-11) என்ற கணக்கில் தோல்வியடைந்து அரையிறுதி வாய்ப்பை இழந்து வெளியேறினார்.