உஸ்பெகிஸ்தானில் ஆசிய 'யூத்' டேபிள் டென்னிஸ் சாம்பியன்ஷிப் 29வது சீசன் நடக்கிறது. இதில் 15 வயதுக்கு உட்பட்டோருக்கான பெண்கள் ஒற்றையர் அரையிறுதியில் 14 வயது, இந்தியாவின் திவ்யான்ஷி, சீனாவின் ஜிலிங் லியுவை சந்தித்தார். முதல் 6 செட்டுகளை இருவரும் மாறி மாறி கைப்பற்ற, 3-3 என ஆனது. 7வது, கடைசி செட்டை திவ்யான்ஷி 11-9 என வென்றார். திவ்யான்ஷி 4-3 என (10-12, 11-9, 11-6, 10-12, 11-9, 5-11, 11-9) வெற்றி பெற்றார்.

அடுத்து நடந்த பைனலில், மற்றொரு சீன வீராங்கனை ஹயாங் யுவை எதிர்கொண்டார். முதல் 4 செட்டில் திவ்யான்ஷி 3ல் வென்றார்.

தொடர்ந்து அசத்திய இவர் 4-2 என்ற கணக்கில் (13-11, 11-8, 8-11, 12-10, 9-11, 11-8) வெற்றி பெற்றார். காலிறுதி, அரையிறுதி, பைனல் என தொடர்ந்து மூன்று போட்டியில் சீன வீராங்கனைகளை சாய்த்த திவ்யான்ஷி, சாம்பியன் ஆனார்.

1989 முதல் நடத்தப்படும் இத்தொடரின் யூத் பெண்கள் பிரிவில் கோப்பை வென்ற முதல் இந்தியர் என சாதித்தார் திவ்யான்ஷி.

பெண்கள் இரட்டையர் காலிறுதியில் இந்தியாவின் சின்ட்ரல்லா, ஹாசினி ஜோடி 1-3 என ஜப்பானின் சாச்சி, மாவோ ஜோடியிடம் தோற்றது.

ஆண்கள் இரட்டையர் காலிறுதியில் இந்தியாவின் அன்குர், அபிநந்த் ஜோடி 3-2 என மலேசிய ஜோடியிடம் (ருய் ஜெ, ஏ சிம்) தோற்றது.