சென்னையில், அல்டிமேட் டேபிள் டென்னிஸ் 5வது சீசன் நடக்கிறது. நேற்று நடந்த லீக் போட்டியில் புனே, பெங்களூரு அணிகள் மோதின. ஆண்கள் ஒற்றையர் முதல் போட்டியில் புனேயின் அங்கூர் பட்டாசார்ஜி, பெங்களூருவின் ஜீத் சந்திரா மோதினர். இதில் அங்கூர் 2-1 (11-6, 5-11, 11-7) என்ற கணக்கில் வெற்றி பெற்றார்.

பெண்கள் ஒற்றையர் பிரிவு முதல் போட்டியில் பெங்களூருவின் மணிகா பத்ரா, புனேயின் அய்ஹிகா முகர்ஜி மோதினர். இதில் மணிகா 2-1 (8-11, 11-5, 11-6) என வெற்றி பெற்றார். கலப்பு இரட்டையர் போட்டியில் பெங்களூருவின் மணிகா, அல்வாரோ ஜோடி 2-1 (11-6, 8-11, 11-10) என புனேயின் நடாலியா, அனிர்பான் ஜோடியை வீழ்த்தியது.

ஆண்கள் ஒற்றையர் 2வது போட்டியில் பெங்களூருவின் அல்வாரோ 2-1 (11-5, 10-11, 11-8) என புனேயின் ஜோவா மான்டீரோவை தோற்கடித்தார். பெண்கள் ஒற்றையர் 2வது போட்டியில் கோவாவின் யாஷினி 0-3 (9-11, 9-11, 5-11) என பெங்களூருவின் லில்லி ஜாங்கிடம் தோல்வியடைந்தார். முடிவில் பெங்களூரு அணி 10-5 என்ற கணக்கில் தொடர்ச்சியாக 2வது வெற்றியை பதிவு செய்தது.