ஆமதாபாத்தில், அல்டிமேட் டேபிள் டென்னிஸ் 6வது சீசன் நடக்கிறது. நேற்று நடந்த லீக் போட்டியில் கோல்கட்டா, ஆமதாபாத் அணிகள் மோதின. ஆண்கள் ஒற்றையர் பிரிவு முதல் போட்டியில் கோல்கட்டா அணியின் அன்குர் பட்டாச்சார்ஜீ, ஆமதாபாத் அணியின் ரிக்கார்டோ வால்தர் மோதினர். இதில் ரிக்கார்டோ 2-1 (11-10, 11-5, 10-11) என வெற்றி பெற்றார்.

பெண்கள் ஒற்றையர் முதல் போட்டியில் ஆமதாபாத் அணியின் ஆயிஹா முகர்ஜி, கோல்கட்டாவின் அட்ரியானா தியாசை எதிர்கொண்டார். முதல் செட்டை 11-10 என வென்ற ஆயிஹா, அடுத்த செட்டை 8-11 என இழந்தார். மூன்றாவது செட்டை 1-11 என கோட்டை விட்டார். முடிவில் ஆயிஹா 1-2 என தோல்வியடைந்தார்.

கலப்பு இரட்டையர் போட்டியில் ஆயிஹா, ரிக்கார்டோ ஜோடி (ஆமதாபாத்), 1-2 என கோல்கட்டாவின் அட்ரியானா, அன்குர் ஜோடியிடம் தோற்றது.

ஆண்கள் ஒற்றையர் 2வது போட்டியில் ஸ்நேகித் (ஆமதாபாத்), 3-0 என குவாட்ரி அருணாவை (கோல்கட்டா) வென்றார். பெண்கள் ஒற்றையர் 2வது போட்டியில் செலினா (கோல்கட்டா), 2-1 என யாஷினியை (ஆமதாபாத்) வென்றார். முடிவில் ஆமதாபாத் அணி 8-7 என 'திரில்' வெற்றி பெற்றது.