ஹங்கேரி தலைநகர் புடாபெஸ்டில், 'ரேங்கிங் சீரிஸ்' மல்யுத்த தொடர் நடக்கிறது. பெண்களுக்கான 55 கிலோ பிரிவு பைனலில் இந்தியாவின் ஹன்சிகா லம்பா, உக்ரைனின் நடாலியா கிளிவ்சுட்ஸ்கா மோதினர். சமீபத்தில், சீனியர் ஆசிய சாம்பியன்ஷிப் போட்டியில் வெண்கலம் கைப்பற்றிய ஹன்சிகா 0-5 என்ற கணக்கில் தோல்வியடைந்து வெள்ளிப்பதக்கத்தை கைப்பற்றினார்.

ஆண்களுக்கான பிரீஸ்டைல் 65 கிலோ 3வது இடத்துக்கான போட்டியில் இந்தியாவின் விஷால் காளிராமன், கஜகஸ்தானின் ஒசும்ஷான் தஸ்டான்பெக் மோதினர். இதில் விஷால் 8-2 என வெற்றி பெற்று வெண்கலம் வென்றார். மற்றொரு போட்டியில் ('பிரீஸ்டைல்' 125 கிலோ)

இந்தியாவின் ரஜாத் ராகுல், அமெரிக்காவின் மாசன் மார்க் பாரிசை தோற்கடித்து வெண்கலத்தை தட்டிச் சென்றார்.

இத்தொடரில் இதுவரை இந்தியாவுக்கு ஒரு தங்கம், ஒரு வெள்ளி, 3 வெண்கலம் என, 5 பதக்கம் கிடைத்துள்ளது. ஏற்கனவே அமன் ஷெராவத் (57 கிலோ) தங்கம், தீபக் (61 கிலோ) வெண்கலம் வென்றிருந்தனர்.