ஆசிய 'சீனியர்' மல்யுத்த சாம்பியன்ஷிப் ஜோர்டானில் நடக்கிறது. இந்தியா சார்பில் கிரிகோ ரோமன் (10), 'பிரீஸ்டைல்' பிரிவில் 20 (10 ஆண்+10 பெண்) என மொத்தம் 30 பேர் பங்கேற்கின்றனர். பெண்களுக்கான 'பிரீஸ்டைல்' போட்டிகள் நேற்று நடந்தன.

76 கிலோ பிரிவு அரையிறுதியில் இந்தியாவின் ரீத்திகா, 10-0 என ஜப்பானின் யமா மோட்டோவை வென்று, பைனலுக்கு முன்னேறினார்.

மான்சி நம்பிக்கை

68 கிலோ பிரிவு அரையிறுதியில் இந்தியாவின் மான்சி லாதெர், சீனாவின் ஜெலு லியை சந்தித்தார். இதில் 1-10 என வீழ்ந்த மான்சி, அடுத்து வெண்கலப் பதக்கத்துக்கான போட்டியில் பங்கேற்க உள்ளார்.

59 கிலோ பிரிவு காலிறுதியில் இந்தியாவின் முஸ்கான், 2-12 என ஜப்பானின் சகுராவிடம் வீழ்ந்தார். வெண்கலப் பதக்கத்துக்கான போட்டியில் இவர் மங்கோலியாவின் ஆல்ட்ஜினை சந்திக்க உள்ளார்.

55 கிலோ முதல் சுற்றில் தோற்ற இந்தியாவின் நிஷூ, ரெப்பிசாஜ் போட்டியில் வியட்நாமின் நிகுயனை 3-0 என வென்றார். அடுத்து வெண்கலப் பதக்கத்துக்கான போட்டியில் பங்கேற்க உள்ளார்.

கிரிகோ ரோமன் (97 கிலோ) போட்டியில் இந்தியாவின் நிதேஷ் சிவாச், 9-0 என துர்க்மெனிஸ்தானின் அமன்பெர்டியை சாய்த்து, வெண்கலப்பதக்கம் கைப்பற்றினார்.