ஸ்பெயினில் பெண்களுக்கான ஐ.டி.எப்., டென்னிஸ் தொடர் நடக்கிறது. ஒற்றையர் பிரிவு முதல் சுற்றில் இந்தியாவின் அன்கிதா ரெய்னா, பிரிட்டனின் அமேலியா ரெஜெக்கியை சந்தித்தார். 'டை பிரேக்கர்' வரை சென்ற முதல் செட்டை அன்கிதா 6-7 என இழந்தார்.

இரண்டாவது செட்டும் 'டை பிரேக்கர்' வரை நீண்டது. இம்முறை அன்கிதா 7-6 என வசப்படுத்தினார். அடுத்து நடந்த மூன்றாவது, கடைசி செட்டில் அன்கிதா, 6-3 என அசத்தினார். இரண்டு மணி நேரம், 24 நிமிடம் நடந்த போட்டியின் முடிவில் அன்கிதா, 6-7, 7-6, 6-3 என்ற செட் கணக்கில் போராடி வெற்றி பெற்று, இரண்டாவது சுற்றுக்குள் நுழைந்தார். இதில் ஸ்பெயினின் மார்டினசை சந்திக்க உள்ளார்.