சுவிட்சர்லாந்தில் நடக்கவுள்ள டேவிஸ் கோப்பை டென்னிஸ், 'வேர்ல்டு குரூப்-1' முதல் சுற்று போட்டியில் (செப். 12-14) இந்தியா, சுவிட்சர்லாந்து அணிகள் மோதுகின்றன. இதற்கான இந்திய அணி அறிவிக்கப்பட்டது. ஒற்றையர் பிரிவில் சுமித் நாகல் இடம் பெற்றார். இரண்டு ஆண்டுகளுக்கு பின் டேவிஸ் கோப்பையில் விளையாட உள்ளார். கடைசியாக 2023ல் (செப்டம்பர், இடம்: லக்னோ) மொராக்கோ அணிக்கு எதிராக விளையாடினார். ஒற்றையரில் விளையாட கரண் சிங், ஆர்யன் ஷா தேர்வு செய்யப்பட்டனர்.

இரட்டையர் போட்டிக்கு யூகி பாம்ப்ரி, ஸ்ரீராம் பாலாஜி தேர்வாகினர். இதில் பாம்ப்ரி, கடைசியாக நடந்த சுவீடன், டோகோ அணிகளுக்கு எதிரான போட்டியில் விளையாடவில்லை. மாற்று வீரர்களாக சசிகுமார் முகுந்த், தக் ஷினேஷ்வர் சுரேஷ், ரித்விக் அறிவிக்கப்பட்டனர்.

மூன்று முறை

டேவிஸ் கோப்பை வரலாற்றில் இவ்விரு அணிகள 3 முறை மோதின. இதில் இந்தியா 2, சுவிட்சர்லாந்து ஒரு முறை வென்றன. கடைசியாக 1993ல் கோல்கட்டாவில் நடந்த போட்டியில் இந்திய அணி 3-2 என வெற்றி பெற்றிருந்தது.