சர்வதேச டென்னிஸ் கூட்டமைப்பு சார்பில் நடத்தப்படும் ஆண்கள் அணிகளுக்கான முன்னணி தொடர் டேவிஸ் கோப்பை. உலகளவில் நடக்கும் அணிகளுக்கான மிகப்பெரிய தொடரான இதில் 150க்கும் மேற்பட்ட நாடுகள் பங்கேற்கும்.

இந்திய அணி கடைசியாக 'வேர்ல்டு குரூப்---1' போட்டியில் 0-4 என வலிமையான சுவீடனிடம் தோற்றது. இதனால் வேர்ல்டு குரூப்-1 'பிளே-ஆப்' சுற்றுக்கு தள்ளப்பட்டது.

இதற்கான அட்டவணை அறிவிக்கப்பட்டது. வரும் 2025, ஜன. 31, பிப். 1 அல்லது பிப். 1, 2ல் வேர்ல்டு குரூப் 1, 2 'பிளே ஆப்' போட்டி நடக்கவுள்ளன. இதில் மொத்தம் 52 அணிகள் மோத காத்திருக்கின்றன.

இந்திய அணி இம்முறை, மேற்கு ஆப்ரிக்கவில் உள்ள டோகோ அணியை எதிர்த்து களமிறங்குகிறது. இதற்கான தேதி, போட்டி நடக்கும் இடம் பிறகு முடிவு செய்யப்பட உள்ளது.