தினமலர் டிவி
Podcast
iPaper
சினிமா
கோயில்கள்
புத்தகங்கள்
Subscription
திருக்குறள்
கடல் தாமரை
/
செய்திகள்
/
விளையாட்டு
/
டென்னிஸ்
/
அரையிறுதியில் சபலென்கா-ஸ்வியாடெக் * பிரெஞ்ச் ஓபனில்...
/
அரையிறுதியில் சபலென்கா-ஸ்வியாடெக் * பிரெஞ்ச் ஓபனில்...
அரையிறுதியில் சபலென்கா-ஸ்வியாடெக் * பிரெஞ்ச் ஓபனில்...
அரையிறுதியில் சபலென்கா-ஸ்வியாடெக் * பிரெஞ்ச் ஓபனில்...
ADDED : ஜூன் 03, 2025 09:24 PM
பாரிஸ்: பிரெஞ்ச் ஓபன் கிராண்ட்ஸ்லாம் டென்னிஸ் தொடர் பாரிசில் நடக்கிறது. பெண்கள் ஒற்றையர் காலிறுதியில் உலகின் 'நம்பர்-1', பெலாரசின் சபலென்கா, 8வது இடத்திலுள்ள சீனாவின் குயின்வென் ஜெங்கை எதிர்கொண்டார். முதல் செட் இருவரும் சமபலத்தை வெளிப்படுத்த 6-6 என சமன் ஆனது. பின் நடந்த 'டை பிரேக்கரில்' சபலென்கா 7-6 என வசப்படுத்தினார். தொடர்ந்து இரண்டாவது செட்டையும் 6-3 என கைப்பற்றினார். முடிவில் சபலென்கா 7-6, 6-2 என நேர் செட்டில் வெற்றி பெற்றார். 2023க்குப் பின் மீண்டும் இத்தொடரின் அரையிறுதிக்கு முன்னேறினார்.
மற்றொரு காலிறுதியில், இத்தொடரில் 'ஹாட்ரிக்' (2022, 2023, 2024) உட்பட 4 முறை கோப்பை வென்ற போலந்தின் ஸ்வியாடெக் ('நம்பர்-5'), உக்ரைனின் ஸ்விட்டோலினா ('நம்பர்-13') மோதினர். இதில் ஸ்வியாடெக் 6-1, 7-5 என நேர் செட்டில் வென்று, அரையிறுதிக்குள் நுழைந்தார். பிரெஞ்ச் ஓபனில் தொடர்ந்து 26வது வெற்றி பெற்ற ஸ்வியாடெக், அரையிறுதியில் சபலென்காவை சந்திக்க உள்ளார்.
காலிறுதியில் சின்னர்
ஆண்கள் ஒற்றையர் பிரிவு 4வது சுற்றில் உலகின் 'நம்பர்-1' வீரர், இத்தாலியின் சின்னர், ரஷ்யாவின் ரூபலெவ் ('நம்பர்-17') மோதினர். இதில் சின்னர் 6-1, 6-3, 6-4 என நேர் செட்டில் வென்று, அரையிறுதிக்குள் நுழைந்தார்.