பெங்களூருவில் ஏ.டி.பி., சாலஞ்சர் டென்னிஸ் தொடர் நடக்கிறது. இதன் இரட்டையர் பிரிவு பைனலில் இந்தியாவின் சாகேத் மைனேனி, ராம்குமார் ராமநாதன் ஜோடி, பிரான்சின் கான்ஸ்டன்டின் பிட்டவுன் கவுஸ்மின், மேக்சிம் ஜான்வியர் ஜோடியை எதிர்கொண்டது.

முதல் செட்டை 6-3 எனக் கைப்பற்றிய இந்திய ஜோடி, இரண்டாவது செட்டை 6-4 என தன்வசப்படுத்தியது. ஒரு மணி நேரம், 18 நிமிடம் நீடித்த போட்டியில் அசத்திய ராம்குமார், மைனேனி ஜோடி 6-3, 6-4 என்ற நேர் செட் கணக்கில் வெற்றி பெற்று சாம்பியன் பட்டத்தை தட்டிச் சென்றது. சமீபத்தில் இந்த ஜோடி சென்னை ஓபன் ஏ.டி.பி., சாலஞ்சர் தொடரில் கோப்பை வென்றிருந்தது.