மும்பையில் பெண்களுக்கான டபிள்யு.டி.ஏ., மும்பை ஓபன் டென்னிஸ் தொடர் நடக்கிறது. இதன் ஒற்றையர் பிரிவு 2வது சுற்றில் இந்தியாவின் ஸ்ரீவள்ளி ராஷ்மிகா, ரஷ்யாவின் அலினா கோர்னீவா மோதினர்.

முதல் செட்டை 7-5 எனக் கைப்பற்றிய ராஷ்மிகா, இரண்டாவது செட்டை 4-6 என இழந்தார். வெற்றியாளரை நிர்ணயிக்கும் மூன்றாவது செட்டில் மீண்டும் ஏமாற்றிய இவர் 4-6 எனக் கோட்டைவிட்டார். முடிவில் ஸ்ரீவள்ளி ராஷ்மிகா 7-5, 4-6, 4-6 என்ற கணக்கில் தோல்வியடைந்து வெளியேறினார்.

இரட்டையர் பிரிவு முதல் சுற்றுப் போட்டியில் இந்தியாவின் வைஷ்ணவி, சஹாஜா ஜோடி 3-6, 6-7 என சுலோவேனியாவின் தலிலா ஜகுபோவிச், அமெரிக்காவின் சப்ரினா சான்டாமரியா ஜோடியிடம் தோல்வியடைந்தது.