பெங்களூருவில், ஏ.டி.பி., சேலஞ்சர் டென்னிஸ் தொடர் நடக்கிறது. இதன் இரட்டையர் பிரிவு காலிறுதியில் இந்தியாவின் ராம்குமார் ராமநாதன், சாகேத் மைனேனி ஜோடி, செக்குடியரசின் பார்டன், உக்ரைனின் எரிக் வான்ஷெல்போய்ம் ஜோடியை சந்தித்தது. ராம்குமார், மைனேனி ஜோடி 6-3, 6-3 என்ற நேர் செட் கணக்கில் வெற்றி பெற்று அரையிறுதிக்குள் நுழைந்தது.

மற்றொரு காலிறுதியில் இந்தியாவின் சித்தாந்த் பந்தியா, பரிக் ஷித் சோமனி ஜோடி 7-5, 6-0 என கொலம்பியாவின் நிக்கோலஸ் மெஜியா, ஆஸ்திரேலியாவின் பெர்னார்ட் டோமிக் ஜோடியை வீழ்த்தி அரையிறுதிக்கு முன்னேறியது.

மற்றொரு போட்டியில் இந்தியாவின் அடில் கல்யாண்பூர், கரண் சிங் ஜோடி 2-6, 4-6 என்ற கணக்கில் ஆஸ்திரேலியாவின் பிளேக் பேல்டன், மாத்யூ கிறிஸ்டோபர் ரோமியோஸ் ஜோடியிடம் தோல்வியடைந்தது.