மெக்சிகோவில் ஆண்களுக்கான சான் லுாயிஸ் ஓபன் ஏ.டி.பி., சேலஞ்சர் டென்னிஸ் தொடர் நடந்தது. இதன் இரட்டையர் பிரிவு பைனலில் இந்தியாவின் ரித்விக் சவுத்தரி, நிக்கி பூனாச்சா ஜோடி, சுவிட்சர்லாந்தின் அன்டோயின் பெல்லியர், மார்க்-ஆன்ரியா ஹூஸ்லர் ஜோடியை எதிர்கொண்டது.

முதல் செட்டை 6-3 எனக் கைப்பற்றிய இந்திய ஜோடி, இரண்டாவது செட்டை 6-2 என தன்வசப்படுத்தியது. மொத்தம் 55 நிமிடம் நீடித்த போட்டியில் அசத்திய ரித்விக் சவுத்தரி, நிக்கி பூனாச்சா ஜோடி 6-3, 6-2 என்ற நேர் செட் கணக்கில் வெற்றி பெற்று சாம்பியன் பட்டத்தை கைப்பற்றியது. இது, இந்த ஜோடியின் முதல் ஏ.டி.பி., சேலஞ்சர் இரட்டையர் பட்டம்.