ஜப்பானில் பெண்களுக்கான ஐ.டி.எப்., டென்னிஸ் தொடர் நடக்கிறது. இதன் இரட்டையர் பிரிவு பைனலில் இந்தியாவின் ருடுஜா போசாலே, நியூசிலாந்தின் பெய்ஜ் மேரி ஜோடி, ஜப்பானின் ஹருனா அரகவா, ஆவோய் இடோ ஜோடியை எதிர்கொண்டது.

முதல் செட்டை ருடுஜா ஜோடி 3-6 என கோட்டை விட்டது. பின் சுதாரித்துக் கொண்ட இந்த ஜோடி அடுத்த செட்டை 6-3 என வசப்படுத்தியது. வெற்றியாளரை முடிவு செய்ய 'சூப்பர் டைபிரேக்கர்' நடந்தது. இதில் சிறப்பாக செயல்பட்ட ருடுஜா ஜோடி 10-6 என கைப்பற்றியது. ஒரு மணி நேரம், 30 நிமிடம் நடந்த போட்டியின் முடிவில் ருடுஜா ஜோடி, 3-6, 6-3, 10-6 என்ற செட் கணக்கில் வெற்றி பெற்று, கோப்பை கைப்பற்றியது.