தாய்லாந்தில் ஆண்களுக்கான சாலஞ்சர் கோப்பை டென்னிஸ் தொடர் நடக்கிறது. இரட்டையர் பிரிவு முதல் சுற்றில் இந்தியாவின் ராம்குமார் ராமநாதன், ஜப்பானின் மட்சுய் ஜோடி, ஜப்பானின் நோகுச்சி, உசிடா ஜோடியை சந்தித்தது. முதல் செட்டை ராமநாதன் ஜோடி 7-5 என கைப்பற்றியது.

இழுபறியாக இருந்த இரண்டாவது செட்டை, இந்த ஜோடி 5-7 என கோட்டை விட்டது. வெற்றியாளரை நிர்ணயிக்க நடந்த சூப்பர் டை பிரேக்கரில் ராமநாதன் ஜோடி 10-7 என வசப்படுத்தியது. ஒரு மணி நேரம், 55 நிமிடம் நடந்த போட்டியின் முடிவில் ராமநாதன் ஜோடி 7-5, 5-7, 10-7 என்ற கணக்கில் போராடி வெற்றி பெற்று, காலிறுதிக்கு முன்னேறியது.

மற்றொரு போட்டியில் இந்தியாவின் அர்ஜுன் காடே, ரித்விக் ஜோடி, 6-0, 6-2 என தாய்லாந்தின் சாய்யாரின், நோய்கார் ஜோடியை வென்று, காலிறுதிக்குள் நுழைந்தார்.